Radikaliseereme jïh vædtsoeh ekstremisme

Daan biejjien terrorem jïh vædtsoeh ekstremismem dååjroe goh beltije aajhtoe mijjen seabradahken vööste. Geerve daaroej luvnie snjaltjen 22. b. 2011 lea tjarke mojhtesisnie, mearan learohkh mah maanaskuvlem aelkieh, eah lin reakadamme dellie. Dovne Europesne jïh jeatjah lehkesne veartenisnie ööøpteme jïh nåhkehtimmie terroristie leah bijjies agendaesne.

Skuvlen åejvielaavenjasse ij leah terrorem nåhkehtidh. Men dagke maahta viehkiehtidh guktie vaenebh geasalguvvieh ekstremistiske organisasjovni vööste jïh dej dïjren vööste. Barkoe skuvlebyjresinie jïh hööpteme ålkoestimmeste leah jarngesne daesnie.

Daesnie maahtah vielie lohkedh radikaliseeremen jïh vædtsoeh ekstremismen bïjre. Daate daajroe ij leah læjhkan lohkehtæjjaj vihkielommes dïrrege barkosne radikaliseeremen vööste. Vihkielommes dïrrege lea joe jarngesne lohkehtæjjaj profesjovnemaahtoste: maehtedh learohkem vuejnedh jïh dåastoehtidh, jïh learohken perspektijvem vaeltedh.