Radikalisierim

Báhko radikalisierim aneduvvá dakkár åvddånime, jali rievddama, birra manna aktugasj ulmutja jali juohkusa doajmmi rabddamærálasj jali ekstriema vuogij milta. Vuona oajválattja tjielggiji radikalisierimav prosæssan gå akta ulmusj maŋenagi dåhkkit vahágahtte dagojt váj ietjas politihkalasj ulmijt ållit. Báhko aneduvvá aj ienep åbbålattjat dakkár lihtudisá birra manna l vuostálasj, polarisieriduvvam duohtavuodavuojnno ja gånnå sijá dádjadusá milta gávnnuji dåssju rádna ja vasjulattja. Liehket radikalisieriduvvam ij la dat sæmmi gå liehket radikála. Liehket radikála máhttá aj vuosedit politihkalasj vuojnojda jali sávadusájda sebrudahkaj ma li ållu dågålattja.