Radikalisierim ja vahágahtte ekstremissma

Terror ja vahágahtte ekstremissma aneduvvá ájtton sebrudagá vuosstij uddni. Ållessjattuga mujtti snjilltjamáno 22. biejvev 2011, madi mánájskåvlå oahppe lidjin ájn máno duogen dalloj. Sihke Europan ja væráldin ietján la terrora hieredibme ja doarrádallam ájnas.

Terrorav binnedit ij la skåvlå ájnnasamos dahkamus. Valla ihkap máhttá viehkken váj e nav ekstremismalasj organisasjåvnåjda ja sijá ságajda gæssu. Skåvllåbirrasa ja ålgodime hieredime barggo l ájnas dán aktijvuodan.

Dánna máhtá låhkåt ienebut mij radikalisierim ja vahágahtte ekstremissma le. Sæmmi båttå ij la dát máhtudahka åhpadiddjij ájnnasamos vædtsak gå radikalisierima vuosstij barggi. Ájnnasamos vædtsak gávnnu juo åhpadiddjij profesjåvnnåmáhtudagá guovddagin: buktet oahppev vuojnnet ja oahppe vuojnov dádjadit.