Ekstremisma

Ekstremisma boahtá latiinnalaš sánis extremus, maid sáhttá jorgalit “dat ravddamus” dehe “dat vearrámus”. Ekstremisma sáhttá danne ipmirduvvot leat vuostebeallin dasa mii lea muttát, dasa mii lea gasku ja muttolaš. Dalle gártá ekstremisma ipmárdus leat relatiivvalaš: dat ekstrema lea dat mii álohii lea guhkkin eret das mii lea gasku dehe muttát. Dávjá adnojuvvo ekstremisma čavgasit mearkkašumis. Leat guokte dovdomearkka maid lea dábálaš laktit ekstremismii: ahte atnit dušše iežas oaiviliid duohtan ja dohkálažžan, ja doarjut veahkaválddálašvuođa olihan dihte politihkalaš mihttomeriid (veahkaválddálaš ekstremisma).