Radikaliseren ja veahkaválddálaš ravdamearálašvuohta

Terror ja veahkaválddálaš ekstremisma vásihuvvojit balddihahtti áittan min servodaga vuostá dál. Rávisolbmuide Norggas lea suoidnemánu 22.b.2011 bures cieggan muitui, muhto oahppit geat álget mánáidskuvlii eai lean riegádan vel dalle. Sihke Eurohpás ja muđui máilmmis lea easttadanbargu ja vuostálastin terrora vuostá okta sin váldobargguin.

Skuvlla váldodoaibma ii leat vuosttaldit terrora. Muhto soaitá ahte dat sáhttá váikkuhit dasa ahte unnit oahppit geasuhuvvojit ekstremisttalaš organisašuvnnaide ja sin oainnuide. Guovddáš doaimmat skuvllas leat skuvlabirrasiin bargat ja eastadit earisteami.

Dás sáhtát lohkat eanet dan birra ahte mat radikaliseren ja ekstremisma leat. Dát máhttu ii leat seammás deháleamos reaidu oahpaheddjiide radikaliserema vuostá. Deháleamos reaidu lea vuođđoáššin oahpaheaddji profešuvdnagelbbolašvuođas: Gálggat oaidnit ja deaividit ohppiin ja oaidnit sin perspektiivva.