Oasi birra
Mihttu
- Nanosmahttit gálggaid fuobmát erohusaid gaskal fákta ja oaiviliid
Dán bargobihtás barget oahppit hárjehusain «Gii šaddá olggos» vai sáhttet mearridit maid sii oaivvildit muhtin čuoččuhusaid birra dahje dajahusaid birra, ahte leat go oaivilat vai fáktá.
Go dahká bargobihtáid main leat njeallje dajahusa, muhto okta dain spiehkasta, sáhttá leat konstruktiivvalaš vuohki hárjehit earuhit fáktá ja oaiviliid gaskka. Hárjehusas leat guokte bargoárkka. Bargobihtát heivejit maid gaskadássái, muhto lea ovdamunni jus luohkká ovdal juo lea veahá bargan doahpagiiguin fáktá ja oaivilat.
Čađaheapmi
Oahppit galget mearridit leat go dajahusat fáktá vai oaivilat. Bargguid sáhttá bargat oktagaslaččat dahje joavkkuiguin.
Fakta dahje oaivil - Bárgoárkka
FiilaDokumeanta
Fakta eller mening - Oppgaveark
Loahpalaš guorahallan
Mannet čađa bargobihtáid fárrolaga.
Hárjehus 1:
- Mannet čađa ohppiid vástádusaid: Bivdde sin ákkastallat iežaset válljejumiid. Digaštallet dan birra ahte lei go váttis válljet guđet dajahusat leat oaivilat ja guđet leat fáktát. Manin / manin eai?
Hárjehus 2:
- Mannet čađa ohppiid vástádusaid: Bivdde sin ákkastallat iežaset válljejumiid. Jus oahppit leat bidjan dajahusaid goabbat sadjái skálás: Manin leat sii dahkan nu go leat? Lea go oktage guhte háliida rievdadit iežas vástádusa maŋŋil go lea guldalan eará ohppiid ákkastallamiid?
- Mii dahká ahte dáid dajahusaid gaskka lea nu unna erohusaš, ahte lea váttis lohkat leat go čuoččuhusat vai oaivilat?
