null Máhttu ja kritihkalaš jurddašeapmi

Máhttu sáhttá váikkuhit dasa ahte fuomášat ovdagáttuid ja garahat generaliseremiid. Aŋkke ii leat nu ahte eanet máhttu automáhtalaččat mielddisbuktá unnit ovdagáttuid. Muhtin lágan máhttu sáhttá baicca mielddisbuktit ahte eahpevuoiggalašvuohta bisuhuvvo. Danin lea kritihkalaš jurddašeamis olu dadjamuš ovdagáttuid eastadeapmái.

Skuvlla oahppoplánain čadno kritihkalaš jurddašeapmi earret eará sáhkkiivuhtii ja dieđalaš jurddašeapmái. Oahppit galget sáhttit jearrat gažaldagaid dan birra mii lea sajáiduvvan, ja maiddái vásihit ahte sin iežaset govahallan ii leat leamaš dievas. Eahpidanattáldagat ja vejolašvuohta gažaldagaid divvut suddje olbmo jurddašit čáhppadin-vielgadin áššiid birra ja bisuhit savvon govahallama earáin.

Go addá ohppiide máhtu ja nanne sin reflekterendáiddu, de sáhttet buot fágat skuvllas leat mielde ovdagáttuid eastadanbarggus.

Máhttu ja kritihkalaš jurddašeapmi leat dehálaččat earret eará go deaivida konspirašuvdnateoriijaiguin. Dát leat govahallamat das ahte soapmásat suoli leat searvan čađahit juoidá mii váikkuha earáide.

Dán fáttá vuolde gávnnat eanet dieđuid máhtu ja kritihkalaš jurddašeami birra. Dasa lassin gávnnat muhtin doaimmaid ja oahpahusdahkosiid mat nannejit ohppiid reflekterema, nu go filosofalaš ságastallamiid ja doabahárjehallamiid.