aboutDevelopmentActivity
Mihttu
- Viessohárjehus – kártenneavvu skuvllas
Ohppiid iežaset vásáhusaid skuvllain ja skuvlabirrasiin lea deaŧalaš vuođđu bargui identifiseret hástalusaid ja sajiid maidda joavkogullevašvuohta ja olggušteapmi váikkuha, ja main skuvllas lea buoridanmunni.
Dát kártenhárjehus atná metodihka maid Dásseárvo- ja vealahanáttárdeaddji (DVÁ) Norggas ja Vealahanáittardeaddji(VÁ) Ruoŧas leat ovdánahttán. Dan sáhttá čađahit ohppiiguin mánáskuvlla rájes gitta joatkkaskuvlii, ja dasa lassin bargiiguin. Hárjehus lea oaivvilduvvon jearahallaniskkadeami dievasmahttimii, ja sáhttá maiddái čađahuvvot jearahallaniskkadeami sajis nuoramus ohppiiguin mánáidskuvllas.
Ráhkkaneapmi
Jus skuvla lea šaddan Dembra-skuvlan, sáhttá oahpaheaddji muitalit dan birra ja čilget man birra Dembra lea.
Ohppiide sáhttá almmustahttit ovdamearkkaid mat čájehit maid vuorjan čadnon joavkogullevašvuhtii mearkkaša. Oahpaheaddji čilge ahte skuvla galgá leat báiki gos buot ohppiin galgá leat buorre, ja ahte oahppit veahkkin kártet dilálašvuođaid skuvllas mat sáhttá šaddat buorebut.
Ráhkkaneapmin sáhttet oahppit čađahit guokte hárjehusa: “Okta olmmoš – okta násti" ja «Cielossánit ja mun». Vuosttaš hárjehus čájeha ahte mis buohkain leat máŋggadáfot ja seagáš identitehtat, ja nuppis lea mihttomearri ahte oahppit galget guorahallat movt vásihuvvo go atnet cielossániid čilget du. Dát sáhttá oažžut ohppiid guorahallagoahtit negatiivvalaš vásáhusaid birra skuvllas. (Dát guokte bargobotta sáhttet váldit diimmu oktiibuot.)
Čađaheapmi
Váldooassi
Bagadala ohppiid tevdnet kártta skuvlla badjel ja ožžot bargun tevdnet/čállit kártii dáhpáhusaid/dilálašvuođaid main soapmásiid givssidit dahje olgguštit. Eastadan dihte ahte oahppit fertejit eksponeret iežaset dahje earáid lea deaŧalaš muitalit ahte ovdamearkkat eai dárbbaš guoskat sidjiide alcceseaset. Bivdde ohppiid addit obbalaš čilgehusaid. Várre 20 minuhta dasa.
Tevnnegat čohkkejuvvojit, ja oahpaheaddji bidjá ohppiidvástádusaid oktasaš kártii bottus.
Lea oahpaheaddji bargu šláddjet vásáhusaid sajiid mielde viesus, ja bajidit dan mii gullá joavkovuđot givssideapmái dahje olggušteapmái. Oahppit sáhttet čállán dan birra mii guoská givssideapmái obbalaččat, muhto lea deaŧalaš váldit dan maiddái fárrui vai buot ohppiid dovdet ahte sin guldalit (su. 15-20 minuhta).
Oahpaheaddji geahčada oktasaškártta ságastaladettiin ohppiiguin. Fas lea deaŧalaš sihkkarastit ahte oahppit eai eksponerejuvvo, dainna lágiin ahte dáhttu sin addit obbalaš čilgehusaid nugo «mun lean áican/soames lea muitalan» jnv.
Oktasaškártta vuođul sáhttet oahppit háleštit dan birra mii lea boahtán ovdan: Lea go hirpmástuhtti ahte oallugat leat čállán seamma hástalusaid? Leago juoga mii váilu? Leago mihkkege eahpečielggas? Dál lea oahpaheaddji oahpásmuvvandieidda hástalusaide ja galgá bargagoahtit daiguin/ovddidit daid viidáseappot. Lea go mihkkege maid oahppit ieža sáhttet dahkat? Leat go sis evttohusat maiguin oahpaheaddji sáhttá bargat viidáseappot?
Loahpaheapmi
Loahpat čoahkkáigeasuin ohppiid oktasaš jurdagiiguin ja evttohusaiguin. Suokkar ovttas ohppiiguin manne lea deaŧalaš ahte buohkat barget ovttas, ráhkadan várás skuvlabirrasa mas buohkat dovdet ahte sii leat ovttaárvosaččat ja gullevaččat, ja movt buohkat sáhttet veahkehit
Go jotket bargguin kártemiin galget oahppit oaidnit ahte lea ávki bidjat sániid vásáhusaide ja dilálašvuođaid áicamiidda mat eai leat buorit. Leat olu vejolašvuođat čuovvolit bohtosiid. Oahppit ja oahpaheaddjit sáhttet ovdamearkka dihte ovttas soahpat doaibmabijuid joavkovuđot givssideami dahje olggušteami vuostá maid buohkat skuvllas galget čuovvolit.
Hárjehus veahkeha ohppiid identifiseret ja guorahallat ságastallamiid hástalusaid birra maid sii sáhttet deaividit skuvlabeaivvis čadnon joavkovuđot ovdagáttuide mat čuhcet sidjiide alcceseaset dahje dahje mielohppiide. Hárjehus sáhttá maiddái oainnusindahkat ohppiide ahte sii eai leat okto vásáhusaiguin, ahte eanebut vásihit hástalusaid, ja soitet vel juogaditge seamma hástalusaid. Go dáhttu ohppiid smiehttat ja identifiseret oktasaš čovdosiid, sáhttá hárjehus buvttihit oktavuođadovddu ohppiid gaskkas ja addit sidjiide fámu ja doaibmannávccaid.
Váldde áinnas oktavuođa Dembra bagadalliiguin digaštallat bohtosiid ja geainnu ovddas guvlui!
Jus don háliidat lohkat ovdamearkkaid movt Viessohárjehusa sáhttá čađahit, geahča dás: Bienalaš ovdamearkkaviessohárjehussii.
