Kultuvrra

Báhko kultuvrra vuoset dasi majt ulmutja li dahkam, farra gå luonnduj. Kultuvrra bágov máhttá adnet åvddån buktemij birra majt ulmutja li hábbmim ja dahkam avtan sebrudagán, dagu moalgedimen Vuona kultuvrra, jali avta juohkusa árbbiduvvam máhto ja vuoge, dagu dat mij åvddån boahtá muhtem vidnudagáj kultuvran. Åbbålattjat máhttá kultuvrra guládallamij tjanáduvvat: kultuvrra l divna dat mij ulmutjijda dahká máhttelissan guhtik guojmesa dádjadittjat ja aktan barggat, giela ja jáhkoj rájes gitta iellemvuohkáj ja dábijda. Gå dá dádjadusá li sajenisá, de máhtteba guovtes gudi goabbák guojmijniska guládallaba, agev juogadit juojddá kultuvralattjat. Dákkár kultuvrradádjadus de hásstal dav jáhkov jut sierra kultuvra doajmmi aktu iesjguhtik bájkijn.