Máhtto ja lájttális ájádallam

Máhto diehti máhttá gáttojt dåbddåt ja generalisierimijt nuoladit. Ij la val navti jut ienep máhtto automáhtalattjat merkaj binnep guotto. Nágin slája máhtos máhtti farra rievtesferdugahtesvuodav bisodit. Danen la lájttális ájádallam aj ájnas váj gáttojt hieret.

Skåvlå oahppoplánajn tjanáduvvá lájttális ájádallam duola dagu diehtemvájnogisvuohtaj ja diedulasj ájádallamvuohkáj. Oahppe galggi bessat gatjádallat sádnesvuodaj birra, ja aj ájttsat sijá ietjasa sádnesvuoda ælla agev ållåsa. Buktet iehpedit ja gatjádallat suodjal tjáhppis-vielggis-ájádalláma ja tjanádum ájádusáj vuosstij iehtjádij birra.

Gå oahppijda máhtov vaddá ja nanni sijá tjehpudagáv ájádallat de máhtti divna fága skåvlån viehkken gáttojt hieredimen.

Máhtto ja lájttális ájádallam li ájnnasa duola dagu dalloj gå konspirasjåvnnåteorijja ihti. Dá li dakkir ájádusá jut nágin tjiegot li aktidam tjadádittjat juojddá mij iehtjádijt ládá.

Dán tiemá vuolen gávna ienep diedojt máhto ja lájttális ájádallama birra. Dasi duodden gávna viek edna dåjmajt ja åhpadimláhtjusijt ma nanniji oahppij refleksjåvnåv, dagu filosofijjalasj ságastallama ja buojkuldagáj hárjjidallam.