Darjomen bïjre
Ulmie
- Jïjtse identiteetem goerehtidh jïh goerkesem lissiehtidh ihke gaajhkesh noereme identiteeth utnieh. Buerebelaakan meatanlearohkigujmie åehpenidh.
Daennie boelhkesne learohkh åadtjoeh ovmessie bielieh jïjtse identiteeteste kraanskodh, jïh åadtjoeh jïjtsh bïjre soptsestidh jïh sov meatanlearohki bïjre lïeredh. Maahta haarjanimmiem tjïrrehtidh dovne smaavedaltesisnie jïh gaskedaltesisnie. Dejtie nööremes learoehkidie mah eah leah dan væjkele tjaeledh, maahta baakoebaanghkem darjodh åvtelhbodti. Dej båarasommes learoehkidie maahta væjsehke årrodh geehtedh olles fer jïjnjem juekieh jïjtsh bïjre.
Tjïrrehtimmie
- 1
Aelkede ektesne soptsestidh identiteeten bïjre
Gyhtjelassh soptsestallemem aelkedh: Mij sæjhta jiehtedh manne manne jïh datne datne? Mij dorje manne raaktan manne? Leam seammalaakan gaajhkine tsiehkine? Lea mij akt mannine mij iktesth sæjhta seamma årrodh, aaj gosse geerve almetjinie sjidtem?
- 2
Hammodh dan mænngan haarjanimmiem dejtie gusnie datne leah aalkoevåarome
Dievhtieh post-it-leahpah gusnie baakoeh tjaalah mah maam akt jiehtieh gie datne leah, jïh mannasinie datne leah datne, jïh dibrehth dejtie taavlese. Veeljh naakenh dejstie baakojste mejtie leah veeljeme, soptsesth mannasinie raaktah daah veeljih jïh maam ulmide dah utnieh dutnjien. Mah naakenh dejstie learoehkijstie maehtieh jïjtjemse damtijidh muvhtine dov leahpijste?
- 3
Daelie learohkh edtjieh seamma haarjanimmiem darjodh:
Learohkh fïereguhten tjomhpem post-it-leahpajgujmie åadtjoeh, jïh leahpide baakoejgujmie dibrehtieh sijjen buertide mah maam joem jiehtieh gïeh dah leah. Doh nööremes learohkh maehtieh maaje dovne tjaeledh jïh guvviedidh.
- 4
Vedtieh learoehkidie laavenjassine golme leahpah
Vedtieh learoehkidie laavenjassine golme leahpah sigkedh mejtie tuhtjieh lea joekoen vihkele gïese dah leah/ mejnie ååntjestellieh, jïh maam lyjhkoeh mubpide vuesiehtidh.
- 5
Minngemes learohkh edtjieh bïjre jarkan klaassetjiehtjelisnie vaedtsedh.
Birrh dejtie meatan vaeltedh doh golme leahpah jïh bïjre jarkan klaassetjïehtjelisnie vaestedh jïh sinsitniem dïervesjdih gööktesi gööktesi, jïh sinsætnan soptsestidh leahpaj bïjre mejtie leah veeljeme. Asth bïhkedidh dah edtjieh gaajhkesidie dïervesjidh, ij ajve dejgujmie mejgujmie sïejhmemes ektesne.
Minngemes ussjedadtemh
- Lij geerve gaavnedh maam edtjih leahpine tjaeledh? Mannasinie/mannasinie ij?
- Mannasinie veeljih raaktan daah golme leahpah gosse edtjidh bïjre jarkan vaedtsedh?
- Lij naan leahpah mejtie idtjih sïjhth mubpide vuesiehtidh? Mannasinie ibie sïjhth gaajhkem jïjtjene bïjre juekedh gaajhkesigujmie?
- Gosse dijjieh bïjre jarkan veedtsidh, dïervesjih naakenem mejnie maam akt ektesne åtnah?
- Gosse dijjieh bïjre jarkan veedtsidh, naakenem dïervesjih man bïjre maam akt orre lïerih? Ierielih?
- Ussjedh dejtie golme leahpide datne veeljih: mij sjugniehtovveme jis daah bielieh datneste båarhte vaaltasovvin? Datne annje datne orreme dellie? Mij jeatjahlaakan orreme?