Darjomen bïjre
Ulmie
- Maehtedh ovmessie goerkesi bijjeli ussjedadtedh mij sæjhta jiehtedh saemien årrodh. Maehtedh guarkedh identiteete lea gellielaaketje jïh ij leah dan aelhkie dam defineeredh.
Daennie boelhkesne learohkh åadtjoeh ussjedadtedh ovmessie goerkesi bijjeli mij sæjhta jiehtedh saemien årrodh. Maahta haarjanimmiem såemies sjïehtedimmiejgujmie nuhtjedh gaskedaltesisnie. Måjhtelh learohkh gorredidh mah maehtieh damtedh digkiedimmieh leah ryöktesth dej bïjre daennie haarjanimmesne.
Ryöjredimmie
Daennie haarjanimmesne learohkh edtjieh gööktesi gööktesi barkedh.
Joekedh barkoeaarhkem.
Arbeidsark - Hva vil det si å være norsk?
Arbeidsark - Hva vil det si å være norsk?
Tjïrrehtimmie
Daennie haarjanimmesne learohkh edtjieh gööktesi gööktesi barkedh.
Joekedh barkoeaarhkem jïh vedtieh learoehkidie laavenjassem fïereguhtem lahtesem digkiedidh jïh pryövedh ektie vaestiedassen bïjre seamadidh. Paarrh mah eah siemes sjïdth, maehtieh kroessem bïejedh fïereguhten alternatijvese gosse gåabpatjahkh leah sijjen vuajnoen åvteste argumenteereme.
Soptsestidie jiehtegi bïjre abpe klaassesne. Birrh learoehkidie tjïelkestehtedh mannasinie dah leah daejtie vaestiedasside veeljeme, jïh digkiedidie ov-sïemesvoeth dåehkesne.
Learoehkidie gaskedaltesisnie maahta jiehtegh båarhte veeljedh, mah eah sjïehth. Lissehth sjyöhtehke jiehtegh sjaavnjoen mietie.
Minngemes ussjedadteme
Soptsestidie learohkigujmie ovmessie goerkesh gååvnesieh mij sæjhta jiehtedh saemien årrodh, jïh daate gyhtjelasse ij daarpesjh naan faasitem utnedh. Pryövh vuajnoeh åadtjodh gie edtja åadtjodh defineeredh mij sæjhta jiehtedh saemien årrodh. Digkiedidie aaj guktie daajehtsh goh «saemien» jallh «ålkoelaanteladtje» jall «sïjsevaanterdæjja» maahta feerhmeles jallh ekskludeereden domtedh ovmessie almetjidie mijjen seabradahkesne.