Identitehta, girjáivuohta ja gullevašvuohta
Identitehta lea dan birra ahte geat mii leat, ja geasa dahje masa mii dovdat gullevašvuođa. Máŋggabealatvuohta čilge erohusaid olbmuid gaskka. Oahppoplána mielde galgá skuvla doarjut ohppiid sin identitehtaovddideamis ja fállat sidjiide reaidduid vai sáhttet oasálastit máŋggabealat servodagas, nuppiin sániin addit sidjiide máŋggabealálašvuođagelbbolašvuođa.
Joavkoidentitehta lea dan birra ahte makkár joavkkuin mun identifiseren iežan, ja seammás maid makkár joavkkuid mun oainnán earáláganin. Giddejuvvon ja bistevaš govahallan “mis” ja “dain earáin” láhčet vuođu ovdagáttuide ja olggušteaddji guottuide.
Girjáivuođagelbbolašvuohta sáhttá leat attáldagaid birra ovttaskas olbmos, nu go gierdevašvuohta ja gálggat ovttasdoaibmat earáiguin geat leat earáláganat go ieš. Muhto das lea maid sáhka ipmárdusas servodaga vealaheaddji struktuvrraid birra. Iešárvvoštallan lea guovddáš ášši girjáivuođagelbbolašvuođas.
Dán fáttás sáhtát lohkat eanet identitehta ja girjáivuođa ja máŋggabealatvuođagelbbolašvuođa birra. Don gávnnat eanet doaimmaid iešguđet dásiide mat leat jurddašuvvon hukset gullevašvuođa ja árvvusatnima earáláganvuođain, lassin doaimmaide mat ovddidit reflekterema identitehta ja girjáivuođa birra.
