Doaba
Kultuvra
Sátni kultuvra čujuha dasa maid olbmot leat ráhkadan, dan sadjái go lundui. Kultuvra sáni sáhttá atnit ovdanbuktimiid birra maid olbmot leat hábmen ja ráhkadan ovtta servodagas, nu go dadjamušas norgga kultuvra, dehe ovtta joavkku árbejuvvon máhtut ja vuogit, nu go dat mii boahtá ovdan muhtun fitnodatkultuvrras. Oppalaččat sáhttá kultuvra laktojuvvo gulahallamii: kultuvra lea buot dat mii dahká olbmuide vejolažžan ipmirdit guhtet guimmiideaset ja ovttasbargat, gielas ja jáhkuide gitta láhttenvugiide ja vieruide. Go dát ipmárdusat leat sajis, de sáhttiba guovttis gulahallat goabbat guimmiineaskka, álohii juogadit juoidá kultuvrralaččat. Dákkár kulturipmárdus hástala dasto dan jáhku ahte sierranas kultuvrrat doibmet sierra iešguđet sajiin.
