Doaimma birra
Mihttu
- Ipmárdus ahte doahpagat eai álo mearkkaš dan seamma buohkaide, ahte doahpagiid sisdoallu sáhttá rievdat áiggi mielde ja ahte lea buorre čielggadit mii oaivvilduvvo doahpagiin du oainnu mielde.
Sáhttet čuožžilit boasttu ipmárdusat go atná doahpaga, muhto ii buohkain leat oktasaš áddehus maid dat sisttisdoallá. Dát hárjehus lea vuohki čielggadit maid dihto doaba sisttisdoallá. Dat lea maiddái metoda hárjehallat gálgga jurddašit moaittalaččat, ja muddet iežas oaiviliid go doaibmá ovttas earáiguin – dahje go oažžu ođđa dieđuid. Hárjehusa sáhttá geavahit mánáidskuvlla gaskaceahkis. Vuolábealde gávdnat vel earálagan hárjehus mas lea viidát ipmárdus rasisma-doahpagis ja lea dan dihtii heivehan nuoraid- ja joatkkaskuvla oahppiide.
Hárjehusa sáhttá dahkat eanas fágain, ráhkkaneapmi fáddái, oažžun dihte smiehttat fáttá/doahpaga birra, dahje bargat juoidá sávakeahtes sátnegeavahemiin luohkás. Govvidan dihte čađaheami atnit mii doahpaga rasisma dán oktavuođas.
Ráhkkaneapmi
Juoge ohppiid joavkkuide main lea njealjis ja atte sidjiide post-it-lihpuid ja A3-árkkaid. Divtte ohppiid tevdnet stuorra figuvrra mii deavdá árkka, nu go govva vulobealde čájeha. (Molssaevttolaččat sáhttá oahpaheaddji ráhkkanit dasa ovdagihtii.) Čále doahpaga gaskkamus feltii, min ovdamearkka sátni «rasisma». Dat njealje olggumus fealtta juhkkojuvvojit ohppiid gaskkas.
![](https://cdn.sanity.io/images/zepd4ite/production/287f7cfe8ee40ec1c7267b632c3084799d3a09af-752x460.png?auto=format&fit=max&q=75&w=376)