Doaimma birra
Mihttu
- Guorahallan dan birra movt dan maid mii dadjat váikkuha earáide, sihke positiivvalaččat ja negatiivvalaččat.
Dán hárjehusas galget oahppit digaštallat mii lea juonalaš dadjat iešguđet dilálašvuođain main sánit maid sii válljejit mearkkašit juoidá earáid buorredillái.
Ráhkkaneapmi
Oahppit bargget bárralagai dahje joavkkuiguin
Bargoárka «Juonalaš dadjat? Sánit mat váikkuhit earáide»
Arbeidsark til "lurt å si? - Lurt å si? Språk som påvirker andre."
Loga áinnas Sokratesa golbma silli ovdagihtii
Sokrates' tre siler
Čađaheapmi
- 1
Álggat ságastallamiin dievasluohkás:
Álggat ságastallamiin dievasluohkás giela váikkuhanfámu birra:
- Movt sáhttá dat maid mii lohkat váikkuhit earáide?
- Maid sáhttet earát lohkat vai dus šaddá buorre dovdu?
- Maid sáhttet earát lohkat mii suhttada ja dahká du morrašii?
- Leat go lohkan juoidá mii illudahtii earáid? Makkár dovdu lei dus?
- Leat go lohkan juoidá mii šlundudii dahje suhttadii earáid? Makkár dovdu lei dus dalle? Livččet go sáhttán dadjat eará láhkái?
- 2
Oahppit galget dál bargat dilálašvuođaiguin bargoárkkain bárralaga dahje joavkkuin.
Dáhto sin evttohit iešguđetlágan vugiid dadjat daid iešguđet dilálašvuođain ja digaštallat movt dat sáhttet váikkuhit vuostáiváldái. Nuoramus ohppiide sáhttá oahpaheaddji lohkat dilálašvuođaid, ja oahppit sáhttet digaštallat ja buktit evttohusaid dievas luohkás.
FiilaDokumeantaArbeidsark til "lurt å si? - Lurt å si? Språk som påvirker andre."
- 3
Čađamannet muhtun joavkkuid vástádusaid dievas luohkás
Divtte sin čilget movt sii jurddašit sánit maid sii livčče geavahan dahje dahje válljen eret sáhttet váikkuhit vuostáiváldái. Divtte sin čájehit muhtun dilálašvuođaid rollaspeallun, geahččalan dihte movt sánit sáhttet váikkuhit.
Loahpalaš smiehttamušat:
- Lei go muhtin diliiguin váttis diehtit maid lea buoremus dadjat?
- Movt sáhttá diehtit ahte dan maid áigu dadjat sáhttá váikkuhit earáid?
- Lea go muhtimin dárbbašlaš dadjat juoidá lihká vaikko diehtá ahte dat sáhttá šlundudit dahje suhttadit earáid? Maid berre dalle jurdilit?
