null Nállevealaheapmi ja eará hástalusat

Nállevealaheamis ja antisemittismmas leat guhkes historjjálaš ruohttasat. Lea dehálaš ahte don dovddat sihke historjjá ja vejolaš áigeguovdilis govahallamiid vai fuobmát ja ipmirdat dáid fenomenaid. Dat guoská maid eará lágan joavkovaššivuođaide, nu go muslimavaššái, sexismma, LHBT+- olbmuid vuostá ovdagáttut ja ovdagáttut doaibmavádjigiid vuostá.

Muhtimat jurddašit nállevealaheami hui garra negatiivvalaš guoddun, nu go dakkáriid maid mii oaidnit ođđanazisttain. Máŋggas geat vásihit nállevealaheami, dovdet dan eanet beaivválaš dáhpáhussan mat mielddisbuktet ahte sii ipmirduvvojit earáláganin, nu gohčoduvvon árgabeairasisma. Lea dehálaš bidjat fuomášumi dákkár mekanismmaide vai skuvla sáhttá fuobmát ohppiid vásiheami olggušteamis.

Dáin siidduin gávnnat dieđuid iešguđetlágan konkrehta ovdagáddo- ja joavkovašuhanmálliin. Don sáhtát maid lohkat iešguđetlágán pedagogalaš lahkonemiid birra movt sáhttá bargat dáiguin fenomenaiguin. Mis leat guovttelágan lahkonanvuogit; searvadahtti pedagogihkka lea vuosttaš, man mihttun lea ahte unnitloguálbmot dovdet iežaset dohkkehuvvon searvevuođaide. Hástaleaddji pedagogihkka fas hásttuha iskat man muddui skuvla ja servodat leat seamma vuoiggalaš buohkaid vuostá beroškeahttá sin duogáža.