null Demokratijja, guojmmeviesátvuohta ja gievrrodibme

Demokratijjalasj árvo máhtti guottojt ja nuppástimev vuosteldit. Majt da merkahi? Gåktu dát vájkkut skåvlå åhpadibmáj?

Demokratijja moatte láhkáj dádjaduvvá, valla aktisasj le ájádus jut juohkkahasj bæssá fárruj mierredibmáj, sæmmi riektáj. Dat gájbbet nubbe nuppev vielet ja ságas.

Navti gátto ja juogosvassje demokratijjav hásstali. Sæmmi båttå le demokratijja man viesáda vásedi almma oassálasstemav, ållidit dakkir dárbojt ma ietján iehtjádijt ålgodi. Demokratijja máhttá gáttojt ja ålgodisvuodav hieredit, dagu oahppoplána badjásasj oasse aj vuoset.

Gievrrodibme l viek lahka demokratijjaj tjanáduvvam. Dasi gullu luohtádus jut ulmutja li iesjrádálattja ja bessi ietjá válljit, gájkajda buorren. Skåvlån la sihke demokratijja ja gievrrodibme tjanáduvvam dan ájádussaj jut oahppe galggi fáron skåvlå práksisav mierredimen.

Oahppe galggi ietja bessat muossádit demokratijjav ja oassálasstemav. Sij galggi demokratijjav oahppat vásádusáj baktu skåvlån. Aktan åhpujn demokratijja birra oadtju oahppe máhtudagáv váj demokratijjalasj guojmmeviesádin dåmat ja oassálasstá.

Dán tiemán gávna konkriehta oajvvadusájt ja duogásj diedojt duola dagu demokratijja, gievrrodime ja guojmmeviesátvuoda birra. Duodden gávna aj moadda dåjmajt ja åhpadimláhtjusijt gåktu åhpadit sihke demokratijja baktu, dan birra ja dan diehti.