Álggoálmmuk ja nasjonála unneplågo

Vuona sáme ja nasjåvnålasj unneplågo li læhkám ja ájn gierddi guottojt ja nuppástimev. Gåktu máhttá dáj juohkusij birra åhpadit váj åvdet avtaárvvusasjvuodav ja moattebelakvuoda dádjadusáv?

Sáme li Vuona álggoálmmuk. Álggoálmmuk la dakkir almasjjuogos mij lij muhtem sajen åvddål nasjonalstáhtta ásaduváj. Nasjåvnålasj unneplågo li álmmukjuohkusa ma guhkijt li læhkám lándan. Vuonan li dá vihtta juohkusa: guojna/vuonasuobmelattja, juvdá, miehttsesuobmelattja, romara ja romani/táhtara.

Sáme, guojna/vuonasuobmelattja ja miehttsesuobmelattja li iesjguhtik láhkáj dárojduhttempolitihkav gierddam. Skåvllå lij dán politihka ájnas vædtsak. Máná nággiduvvin duola dagu dárustittjat farra gå iednegielasa sáhkadit.

Vuona juvdá gierddi duov dáv antisemittismalasj gáttov, ja báhko "juvdá" ájn aneduvvá nálsodibmen nágin skåvlåjn. Romani/táhtara ja romara li daj gaskan gudi ienemus gáttojt gierddi Vuonan, sæmmi bále gå moattes viek binnáv sijá birra diehti.

Dán tiemán gávna sihke diedojt iesjgeŋga juohkusa birra, konkriehta oajvvadusá ja åhpadimvuoge gåktu sámij ja nasjåvnålasj unneplågoj birra åhpadit.