Darjomen bïjre
Ulmie
- Ussjedadtedh guktie dïhte maam jiehtebe mubpide baajnehte, dovne positijve- jïh negatijvelaakan.
Daennie haarjanimmesne learohkh edtjieh digkiedidh mij sæjhta væjsehke årrodh jiehtedh dejnie tsiehkine baakoeh mejtie dah veeljieh, mïelem utnieh mubpiej tråjjese.
Ryöjredimmie
Ryöjrehth barkoeaarhkem learoehkidie. Learohkh edtjieh paarrine jallh smaave dåehkine barkedh.
Barkoeaarhke «Væjsehke jiehtedh? Baakoeh mah mubpide baajnehtieh.»
Lohkh maaje Sokratesen golme sijlh åvtelhbodti, vuartesjh relateereme aamhth.
Sokrates' tre siler
Tjïrrehtimmie
- 1
Aelkieh aktine soptsestalleminie gïelen baajnehtimmiefaamoen bïjre
Aelkieh aktine soptsestalleminie gïelen baajnehtimmiefaamoen bïjre:
- Guktie dïhte maam mijjieh jiehtebe maahta mubpide baajnehtidh?
- Maam jeatjebh maehtieh jiehtedh man åvteste datne hijven domth?
- Maam jeatjebh maehtieh jiehtedh man åvteste vissjies jallh håjnan domth?
- Datne maam joem jeahteme mij jeatjebh geerjene dorjeme? Guktie dellie domtih?
- Datne maam joem jeahteme mij jeatjabidie håjnan jallh vissjies dorjeme? Guktie dellie domtih? Lih maahteme dam jeatjahlaakan jeahteme?
- 2
Learohkh edtjieh daelie tsiehkiejgujmie barkoeaarhkesne barkedh paarrine jallh smaave dåehkine.
Birrh learoehkidie joekehts vuekieh raeriestidh guktie maahta maam joem jiehtedh dejnie ovmessie tsiehkine, jïh digkiedidh guktie dah maehtieh dåastojen baajnehtidh. Lohkehtæjja maahta tsiehkide lohkedh dejtie nööremes learoehkidie, jïh learohkh maehtieh digkiedidh jïh raeriestimmiejgujmie båetedh klaassesne.
FijleTjaatsegeArbeidsark til "lurt å si? - Lurt å si? Språk som påvirker andre."
- 3
Soptsestidie naakeni bïjre dåehkien vaestiedassijste klaassesne.
Baajh dejtie tjïelkestidh guktie ussjedieh baakoeh mejtie lin sïjhteme nuhtjedh jallh båarhte vaeltedh, maehtieh dåastojem baajnehtidh. Baajh dejtie maaje naakenh dejstie tsiehkijste råållaspïeline spïeledh, juktie pryövedh guktie baakoeh maehtieh baajnehtidh.
Minngemes ussjedadteme:
- Lij naakeninie daejstie tsiehkijste geerve daejredh mij lij væjsehke jiehtedh?
- Guktie maahta daejredh guktie dïhte maam sæjhta jiehtedh, maahta mubpide baajnehtidh?
- Mah såemies aejkien daerpies maam akt jiehtedh jis daajra dïhte maahta jeatjabidie haarmese jallh håjnan darjodh? Mïsse byöroe dellie ussjedidh?