Earisteapmi

Earisteapmi čujuha sániide, daguide ja proseassaide mat sirrejit muhtun olbmuid nu go “duot earát” jovkui, dakkárat geat eai leat dego “mii”. Earisteapmi lea badjedoaba dasa mot ipmirdit sierranas gierdameahttunvuođa hámiid, nu go nállevealaheami, sexisma, homofobiija, sámiid vealaheami ja eará. Dasto sáhttá earisteapmi adnojuvvot sierranas olggušteaddji mekanismmaid birra, ovdagáttuid ja jurddašanvugiid gitta mikrovaššivuođa ja vealaheami dáfus.