null Demokratiija, mielborgárvuohta ja válddálašdahkan

Demokráhtalaš árvvut sáhttet leat vuostebeallin ovdagáttuide ja vealaheapmái. Mii das oaivvilduvvo? Makkár váikkuhusaid dat addá skuvlla oahpahussii?

Gávdnojit iešguđetlágan ipmárdusat das mii demokratiija lea, muhto oktasaš lea dat ahte buohkat sáhttet oasálastit mearrádusproseassain, seamma vuoigatvuođaiguin. Dat eaktuda doahttalumi goabbat guvlui ja gulahallama.

Ovdagáttut ja joavkovašolašvuohta hástalit danin demokratiija. Seammás sáhttá demokratiija gos ássit vásihit duohta oassálastima, deavdit dárbbuid mat maid doibmet olgguštanguottuid vuojehanfápmun. Demokratiija sáhttá vuosttildit ovdagáttuid ja earisteami, nu go maiddái bajit oassi čujuha.

Válddálašdahkan lea lahka čadnon demokratiijii. Das lea sáhka luohttevašvuođas dasa ahte olbmot leat iešheanalaččat ja sáhttet válljet ieža, solidaritehtain guhtet guoibmái. Skuvllas lea sihke demokratiija ja válddálašdahkan čadnon dan jurdagii ahte ohppiid mielváikkuheapmi galgá báidnit skuvlla bargodábiid.

Nuppiin sániin galget oahppit ieža vásihit demokratiija ja oassálastima, sii galget oahppat demokratiija vásáhusaid bokte skuvllas. Dát ovttas demokratiija birra oahppan addet ohppiide gelbbolašvuođa sáhttit doaibmat ja oassálastit dego demokráhtalaš mielborgárat.

Dán fáttá vuolde gávnnat konkrehta cavgilemiid ja duogášmateriála earret eará demokratiija, válddálašdahkama ja mielborgárvuođa birra. Dasa lassin gávnnat muhtin doaimmaid ja oahpahusdahkosiid movt oahpahit sihke demokratiija birra, čađa ja ovdii.