Oasi birra
Mihttu
- Smiehttat mo iešguđetge olbmot sáhttet ipmirdit seamma ášši iešguđetge láhkái. Hárjehus váldit earáid perspektiivva ja geahččat iešguđet beliid áššis.
Dán hárjehusas galgá luohkká lohkat elliidmáidnasa čalmmehis albmát ja elefánta ja gieđahallat dan iešguđetge gažaldagaiguin ja doaimmaiguin earáid perspektiivva váldima ja moaittalaš jurddašeami birra. Elliidmáinnas lea mielddusin guovtti veršuvnnas, okta álkit oanehis veršuvdna ja okta guhkit.
Čađaheapmi
Váldooassi
- 1
Loga elliidmáidnasa ohppiide.
Geavat daid lohkanstrategiijaid maid luohkká dábálaččat geavaha, ovdal lohkama, logadettiin ja maŋŋil lohkama sihkkarastin dihte ahte oahppit áddejit.
FiilaDokumeantaDe blinde mennene og elefanten
- 2
Smiehttan dievasluohkás
Viidáseappot galgá luohká bargat čuovvovaš smiehttangažaldagaiguin bárralaga, joavkkuin dahje dievas luohkás:
- Elliidmáidnasiin lea dávjá juoga dehálaš muitalit lohkkái, juoga maid háliida muitalit lohkkái. Maid jáhkkibehtet dii dát elliidmáinnas háliida muitalit midjiide?
- Elliidmuitalusas diggogohtet čalmmehis albmát. Maid livčče sáhtán dahkat šaddat ovttamielalažžan?
- Leago dehálaš ahte čalmmehis albmát šaddet ovttaoaivilii? Ákkas manne/manne ii.
- Raja lohká bárdnásis ahte «duohtavuohta lea elefánta, ja mii leat buohkat čalmmehis albmát». Maid son oaivvilda dainna?
- Loahpas elliidmáidnasis čuožžu ahte buot albmáin lei sihke riekta ja boastut seamma áiggis. Mii oaivvilduvvo dainna?
- Jurddaš ahte buot čalmmehis albmát besse iskat dušše ovtta ja seamma oasi elefánttas. Maid livčče albmát oahppan das? Mii earuha dan das maid sáhtaše oahppat jus iskkaše dušše iešguđet oasi elefánttas?
- Sáhttit go atnit dan maid elliidmáinnas viggá muitalit go galgat oahppat juoga man birra dahje deaividit juoga mainna mii lea amas?
- Leago vejolaš leat soahpatmeahttun nu ahte ovttasge ii leat boastut? Buvtte ovdamearkkaid.
- 3
Ohppiiddoaibma 1 - Giddet čalmmiid!
Atte ohppiide liinni maid čatnet čalmmiid badjel dahje dáhto sin gokčat daid eará láhkai. Divttes in joavkkuid mielde duohtadit iešguđetge oasi ovtta biergasis. Vállje biergasa mas leat olu oasit, áinnas maiddái iešguđet materiálat. Ovdamearkka dihte: Reŋko/stuollu, breahttaspeallu, duhkoras, elliidfiguvra, čuojanas, giikar mas lea báddi, skuvlaseahkka, šeittát.
- Divtte joavkkuid mat leat iskan seamma oasi geahččalit šaddat ovtta oaivilii mii dat sáhttá leat.
- Almmá álmmukeahttá mii bierggas lea: Divtte joavkkuid veahkkálaga gávnnahit dan dieđuid oktiičaskimiin mat sis leat.
- Hupmet loahpas ovttas daid iešguđetge oaiviliid ja jurdagiid birra mat sis ledje, ja mii sáhttá dáhpáhuvvat jus mearrida almmá oainnekeahttá olles gova..
- 4
Ohppiiddoaibma 2 - Čállit iežas elliidmuitalus
Divtte ohppiid čállit iežaset elliidmuitalusa “Čalmmehis albmát ja elefánta” málle mielde. Dás galget sii válljet eará go elefántta, ja gávnnahit iešguđet vugiid čilget mihtilmasvuođaid iežaset vuolggasaji vuođul. Dán hárjehusa sáhttá maiddái áinnas dahkat ovttasčállinprošeaktan.
Viidáset bargu
Evttohusat joatkevaš bargui perspektiivaváldimiin
Ane govvosa dán guovtti olbmos vuođđun geat nákkáhallaba oaidniba go soai 6-tálla vai 9-tálla.
Divtte ohppiid buktit evttohusaid maid olbmot govas sáhttiba dadjat jáhkihit nuppi dahje šaddat ovttaoaivilii bissut soahpatmeahttumin. Mii lea eanemus ulbmilaš? Dán doaimma sáhttá maiddái dahkat rollaspeallun, mas oahpaheaddjit dahje oahppit ráhkadit čájálmasa lávddis iešguđet láhkái.
