Doaimma birra
Mihttu
- Hárjehallat klassifiseret dahje šláddjet doahpagiid. Hukset logihkalaš ja kritihkalaš jurddašannávcca.
Jus galgat ipmirdit máilmmi, de mii dárbbašit identifiserema, klassifiserema ja generaliserema. Dán hárjehusas besset oahppit hárjehallat ipmirdit doahpagiid ja logalaččat jurddašit identifiserema ja klassifiserema bokte.
Čađaheapmi
Váldooassi
Oahppit ožžot njeallje ja njeallje doahpaga hávális – okta dan njealji doahpagis lea earálágan ja galgá váldot doabagihpus eret. Oahppit galget identifiseret dan doahpaga mii ii heive ja merket dan rieggáin.
Geavat doabagihpuid mat leat listtus dahje ráhkat ieš doabalisttu mii heive du luohká dássái ja dan fágii/fáddái mainna lehpet bargame. Mánáidskuvlla nuoramusaiguin sáhttá dievasjoavkkus bargat olles bargobihtá, dahje bargat dušše reflekšuvdnagažaldagaiguin.
Oahppit galget joavkkuin digaštallat čuovvovačča juohke doabagihpu dáfus:
- Movt válljejin mun guđe doahpaga válden eret?
- Manin oaivvildan mun ahte dát doaba spiehkkasa earáin?
- Mii lea dain eará doahpagiin oktasaš?
- Sáhttá go earáládje čoavdit dán bargobihtá?
- Maŋŋelgo lehpet gullan guhtet guimmiideattet ákkastallamiid: Rievdadan go mun iežan oainnu?
Loahpahanreflekšuvdna
Loahpat áinnas dán hárjehusa dievasjoavkkus oanehis reflekšuvnnain:
- Leigo oktage doabagihppu dakkár man birra lei ovttaoaivilvuohta?
- Ledje go doabagihput maid dáfus ehpet lean ovttaoaivilis? Man birra ehpet lean ovttaoaivilis?
Lea go juohke doabagihpus doaba maid heive eret váldit?
