Doaimma birra
Mihttu
- Suokkardit iežas identitehta ja oažžut eanet ipmárdusa dasa ahte buohkain leat seahkalas identitehtat. Dovddiidit buorebut eará ohppiide.
Dán bargobajis besset oahppit suokkardit iešguđet beliid iežaset identitehtas, ja sii besse muitalit iežaset birra ja oahppat eará ohppiid birra. Hárjehusa sáhttá maiddái čađahit sihke smávvaceahkis ja gaskaceahkis. Nuoramus ohppiide geat eai máhte čállit, sáhttá leat molssaeaktu leat ráhkadit sátnebáŋkku ovdagihtii. Boarráseamos ohppiide sáhttá leat juonalaš váruhit ahte dat maid sii juogadit ii šatta beare almmuheaddjin.
Čađaheapmi
- 1
Álggat ságastallamiin dan birra mii identitehta lea:
Gažaldagat: Maid mearkkaša ahte mun lean mun ja don leat don? Mii dahká ahte mun lean juste mun? Leango mun seammalágan buot dilálašvuođain? Leago juoga mus mii álo boahtá leat seammaláganin, maiddái go mun šattan rávisolmmoš?
- 2
Hábme dasto hárjehusmálle sidjiide, mas anát iežat vuođđun:
Deavdde post it-lihpuid main čálát muhtun sániid mat muitalit gii don leat ja mii dahká du dunin, ja darvvit daid távvalii. Vállje muhtun sániid maid leat válljen, muital manne don leat válljen juste daid ja maid dat mearkkašit dutnje. Leat go muhtimat du lihpuin oahppásat ohppiide?
- 3
Dál sáhttet oahppit dahkat seamma hárjehusa:
Oahppit ožžot juohkehaš post it-lihppolána, ja darvvihit lihpuid main leat sánit mat muitalit juoidá geat sii leat iežaset ohppiidbevddiide. Nuoramus oahppit sáhttet molssodit čállima ja tevdnema.
- 4
Dáhto ohppiid válljet golbma lihpu:
Dáhto dasto ohppiid válljet golbma lihpu mat sin mielas leat earenoamáš dehálaččat dasa geat sii leat/mas sii beroštit, ja mii lea sidjiide sulolaš čájehit earáide.
- 5
Loahpas galget oahppit šuoddit luohkkálanjas.
Dáhto sin váldit fárrui dan golbma lihpu ja vázzit luohkkálanjas ja dearvvahit guhtet guimmiideaset guovttis ja guovttis, ja muitalit guhtet guoibmáseaset lihpuid birra maid sii leat válljen. Geavat áiggi bagadallat ahte galgá dearvvahit buohkaid, ii dušše sin geaiguin dábálaččat lea ovttas.
Loahpalaš smiehttamušat
- Lei go váttis gávnnahit maid galget čállit lihpuide? Manne/manne ii?
- Manne válljejit don váldit fárrui juste dan golbma lihpu go galggaidet šuoddit?
- Ledje go muhtin lihput maid ii háliidan čájehit earáide? Mii sáhttá leat sivvan dasa ahte mii eat háliit juogadit buot iežamet birra buohkaiguin?
- Go dii šuttiidet, dearvvahit go soapmása geaiguin dus lea juoga oktasaš?
- Go šuttiidet, dearvvahit go soapmása gean birra ohppet juoidá ođđasa? Hirpmahuvvet go?
- Jurddaš dan golbma lihpu birra maid válljejit: Mii livččii dáhpáhuvvan jus dát golbma beali dus livččii váldon eret? Livččet go ain leat don? Mii livččii leamaš earálágan?
