Barggobåttå birra
Ulme
- Negatijva giellaano sivá ja vájkkudusá. Dádjadit man ájnas ietjas giella l klássa dågålasj giellaadnuj.
Dán hárjjidusá vuodon li bilkkedime ja giella, sihke verbálalasj ja rubbmelasj, ma juo li dábálattja oahppij juohkusin. Gáhtti val váj i oahppijda åhpada bilkkedimijt majt e juo dåbdå, ja hiebada barggobåttåv oahppij dárbojda.
Gárvedibme
Viettja ja priennti barggoárkav oahppijda.
Skjellsord arbeidsark
Tjadádibme
Álggo
Álge ságastallamijn dan birra gåktu giella máhttá midjij vájkkudit sihke positijva ja negatijva láhkáj, ja subtsasta klássaj dálla galggabihtit barggat gielajn mij máhttá báktjit. Guorrasit val ahte ságastallam galggá åbbålasj, garve ájnegis oahppijda bielkkemis, buojk. «[namma] álu javllá…» åvddål gå joarkkebihtit.
Ságasta makkir nálsodime ja ietjá negatijva giella (sihke verbála gárgadisá ja rumájgiella) li anon klássan jali skåvlån. Dagá ber ájáduskártav, digitála báhkobalvav jali tjále åvddån buktemijt post it-láhpajda ja gatsosta táblluj.
Oajvveoasse
Oahppe galggi dálla vijddásappot barggoárkajn barggat indivijdalattjat, párran jali juohkusijn.
Dibde juohkka juohkusav/párav barggat avtajn gielalasj javllamusájn.
Dibde oahppijt barggat barggoárkaj gatjálvisáj. Mujttáda sijáv bisodit ságastallamav åbbålattjan.Dagá val málav avtajn åvddån buktemijn ålles klássan. Vuolep dáse klássa máhtti aktan ålles hárjjidusáv dahkat.
Ájádusá låhpan
Ságastit åvddånbuktemij birra dan milta majt oahppe li barggoárkajn vásstedam. Tjielgada daj bágoj merkadusájt majda oahppe li iehpesihkara. Gatjáda tjuovvolimgatjálvisájt ma dibddi sijáv ájádallat vijddásappot gåktu giella vájkkut. Ja sæmmi láhkáj sijá ietjasa rålla birra mij guosská mij la dåhkkiduvvam klássan javllat.
- Dahká gus giella juojddá sujna guhti javllá dav aj? Mij dáhpáduvvá mujna gå dajt bágojt javlav?
- Le gus gus mujna makkirak åvdåsvásstádus jus iv goassak iesj bágojt javla? Gåktu máhtáv mån vájkkudit klássa giellaj?
- Le gus åvddåbuktemij gaskan sieradus? Li gus nágina duodalappo gå iehtjáda? Manen? Na rumájgiella (duola degu gehtjastit, tjalmij rammkalit, ålgijt låggŋit)?
- Gåggu manná rádje mij la årnigis ja mij ij la årnigis javllat klássan? Gåktu galggap guhtik guojmijnimme ja guhtik guojmáma birra sáhkadit? Vuodusta vuojnojt. Tjállit val nágin tjuokkajt aktan ma máhtti liehket klássa giellanjuolgadusá.